Bubbles

Mae Bubbles yn gwneud cynnyrch naturiol ar gyfer y bath. Aromatherapi yw arbenigedd y fam a’r ferch, ac yn aml fe’u gwelir yn gwneud cynnyrch yn eu siop yn Nhrefynwy. Caiff y sebon a’r cynnyrch ar gyfer y bath a’r corff eu cymysgu’n ofalus â llaw, a’u cynhyrchu ar raddfa fechan. Ychwanegir olew naws o safon aromatherapi yn ogystal â blodau a pherlysiau o ansawdd da atynt i greu cynnyrch arbennig gyda phersawr sy’n para’n hir.

Nid yw cynnyrch Bubbles yn cynnwys unrhyw ddeunyddiau artiffisial neu annymunol, ac mae Caroline a Roxanne yn prynu eu cynhwysion gan gynhyrchwyr sy’n gofalu am yr amgylchedd, ac yn defnyddio cynnyrch organig lle’n bosib. Mae rhinweddau’r menyn a’r olewau naturiol a ddefnyddir yn wych ar gyfer lleithio a glanhau’r croen, yn ogystal â bod yn feddal a charedig i’r croen.

Ar gael:
dolen y wefan
Cyfarwyddiadau: Oddi ar Sgwâr Agincourt, Trefynwy.