Berry Bach

Ar Ôl blynyddoedd o weithio mewn ysbytai athrofaol yn Llundain, daeth Gill ac Andy i’r casgliad eu bod angen newid eu ffordd o fyw yn llwyr a phenderfynodd y ddau brynu fferm fechan yng Nghymru. Gan nad oedd ganddynt unrhyw brofiad o ffermio roeddent yn chwilio am anifeiliaid sy’n hawdd i’w rheoli ac a fyddai’n rhoi’r cyfle iddynt sefydlu busnes bach a defnyddio crefftau traddodiadol. Ac Alpacas oedd yr ateb gorau. Ar y dechrau, penderfynwyd prynu chwe anifail, ond erbyn hyn mae ganddynt bedwar ar bymtheg, yn ogystal â saith iâr geriatrig a phum cwch gwenyn!

Erbyn hyn mae Gill ac Andy wrth eu boddau yn magu alpacas a chynhyrchu dillad alpaca ar eu tyddyn yn Llanfihangel Crucornau. Mae ganddynt weithdy bach hefyd lle mae modd i chi weld y broses o droi cnu yn edafedd, yn ogystal â gweld y gwisgoedd gorffenedig. Mae pob gwisg wedi ei gweu â llaw o wlân alpaca naturiol 100% (ni ddefnyddir lliw), ac mae’r rhan fwyaf o ddillad plant a babanod wedi eu nyddu â llaw.

Maent yn cynhyrchu mêl a chynhyrchion gwenyn eraill hefyd. Gellir prynu’r cynhyrchion hyn a’r gwisgoedd ar y fferm. Mae croeso i ymwelwyr, ond dylid ffonio o flaen llaw i wneud yn siŵr bod rhywun yno. Gallwch gerdded o gwmpas y tyddyn a chyfarfod yr alpacas, yr ieir a’r gwenyn.

Ar gael yn: Berry Bach Farm