Tess Cooling Calligraphy

Mae Tess yn gweld pwysigrwydd a harddwch geiriau, ac, wrth gyfuno hyn â’i chariad tuag at gelf, mae creu geiriau prydferth yn ddilyniant naturiol. Mae hi’n cynhyrchu ei chynlluniau gwreiddiol ar bapur dyfrlliw trwm sydd wedi ei greu â llaw, ac yn defnyddio inciau o liwiau cyfoethog. Yna, mae’r argraffiadau cyfyngedig yn cael eu gorffen â llaw, ar bapur garw, papur ymyl garw a deilen aur neu arian.

Yn aml, mae gwaith Tess yn coffáu digwyddiadau arbennig. Mae hi’n gweithio gyda’i chleientiaid i greu gwaith celfyddydol, gan ddefnyddio pennill neu eiriau sydd ag ystyr arbennig iddynt hwy. Caiff Tess foddhad mawr wrth greu dehongliad gweledol o eiriau sy’n ysbrydoli neu’n cysuro pobl. Mae hi wrth ei bodd yn ymchwilio i’r geiriau a’u deall yn eu cyd-destun ehangach, a mynd ati i greu gwaith celfyddydol o’r newydd. Mae hi wedi creu darn ar gyfer Dr Rowan Williams, Archesgob Caergaint.

Ar gael:
Wyefield House, Trefynwy
01600 713021