Madgett's Farm

Mae Fferm Madgett yn magu dofednod o ansawdd eithriadol uchel ar fferm mewn lleoliad gwych sy’n edrych allan dros Ddyffryn Gwy. Mae hanes hir iawn yn perthyn i’r fferm, ac mae cyfeiriad ato yn Llyfr Dydd y Farn. Yn fwy diweddar, mae’r teulu Williams wedi ffermio yma am dros 42 mlynedd, yn godro gyrr o wartheg llaeth ac yn magu gwartheg bîff. Roedd mam-gu Daryn bob amser wedi magu rhywfaint o wyddau a thyrcwn ar gyfer y Nadolig, a’u rhoi i deulu a chyfeillion. Roedd yr adar yn flasus, ac aeth si ar led amdanynt. Yn raddol, cynyddodd nifer yr adar bob blwyddyn, hyd nes yn 2001 i Daryn a’i wraig Elaine benderfynu sefydlu busnes dofednod trwy gydol y flwyddyn.

Rydym yn credu mewn rhagoriaeth a’r unig ffordd o gyflawni hyn yw rheoli pob agwedd ar y broses o gynhyrchu. Rydym yn tyfu’r rhan fwyaf o’n bwyd porthi ac yn prosesu pob un o’n hadar ar y fferm. Ein system pluo cwyr sych yw un o ddim ond tri yn y wlad, ac rydym yn gorffen pob un o’n hadar â llaw. Rydym yn credu mai dyma’r unig ffordd o gyflenwi adar o’r safon a fynnir gan ein cwsmeriaid.

Rydym yn magu cywion ieir gwyn Cobb buarth, hwyaid Aylesbury Peking, tyrcwn gwyn a’r tyrcwn Bronze eithriadol ar gyfer y Nadolig, ynghyd â gwyddau. Rydym yn bwydo’r holl adar â’n cyfuniad arbennig ein hunain o fwyd porthi cartref nad yw’n cynnwys ychwanegion na GM.

Gallwch brynu ein dofednod ar-lein ar website link, ac mae nawr yn bosibl i ni ddanfon blychau o’n dofednod â negeswyr. Rydym yn mynychu marchnadoedd ffermwyr yn Stroud, Cirencester, Cheltenham, Gloucester a Chaerdydd. Mae croeso hefyd i gwsmeriaid ddod i’r fferm i gasglu eu cynnyrch.